FW: Tab Yaad Tumhari Aatee Hay ..

Tab Yaad Tumhari Aatee Hay .. Jab Yunhi Kabhi Baithay Baithay, Kuch Yaad Achanak Aah jaye Her Baat Say Dil Bayzar Sa Ho,  Her Cheez Say Dil Ghabra Jaye Karna Bhi Mujhe Kuch Aur He Ho,   Kuch Aur He Mujh Say Ho Jaye Kuch Aur He Sochoon Main Dil Men,   Kuch Aur He Hontoon Par aaye Aisay He Kisee Aik Lamhay Men,   Chupke Say Kabhi Khamoshi Men Kuch Phool Achanak Khil Jayen,    Kuch Betay Lamhe Yaad aayen Tab Yaad Tumhari Aatee Hay ... Jab Chandni Dil Kay Aangan Men, Kuch Kahene Mujh Say Aa jaye Ik Khwabedaa Se soch Koi,   Ehsaas Pay Mere Chaa jaye Jab Zulf Parishaan Chehray Per,    Kuch Aur Parishaan Ho Jaye Kuch Dard Bhi Dil Mein Hone Lage,   Aur Saans Bhi Bojhal Ho jaye Aisay He Kisee Aik Lamhay Men,   Chupkay Say Kabhi Khamoshi Men Kuch Phool Achanak Khil Jayen,    Kuch Betay Lamhe Yaad aayen Tab Yaad Tumhari Aatee Hay ... Jab Shaam Dhalay Chaltay Chaltay, Manzil Ka Na Koi Naam Mile Ik Hansta Hua Aaghaz Mile,   Ik Rota Hua Anjaam Mile Palkoon Kay Laraztay Ashkoon Say,   Is Dil Ko Koi Paygham Mile Aur Sari Wafaoon Kay Badlay,   Mujh Ko He Koi Ilzaam Mile Aisay He Kisee Aik Lamhay Men,   Chupkay Say Kabhi Khamoshi Men Kuch Phool Achanak Khil Jayen,   Kuch Betay Lamhe Yaad aayen Tab Yaad Tumhari Aatee Hay

---

Connect to the next generation of MSN Messenger  Get it now!

---

Get news, entertainment and everything you care about at Live.com. Check it out!