Nov 25, 2008

Hai Justuju Ke Khoob Se Hai Khoobtar Kahaan

Hai Justuju Ke Khoob Se Hai Khoobtar Kahaan
Ab Dekhiye Theharti Hai Jaakar Nazar Kahaan

Yaarab Iss Ikhtilaat Ka Anjaam Ho Baakhair
Tha Uss Ko Humse Rabt, Magar Iss Qadar Kahaan

Ek Umr Chaahiye Ke Gavaara Ho Naish-E-Ishq
Rakkhi Hai Aaj Lazzat-E-Zakhm-E-Jigar Kahaan

Hum Jis Pe Mar Rahe Hain Wo Hai Baat Hi Kuch Aur
Aalam Mein Tujhse Laakh Sahi Tu Magar Kahaan

Hoti Nahi'n Qubool Dua Tarq-E-Ishq Ki
Dil Chaahta Na Ho To Zubaa'n Mein Asar Kahaan

'Hali' Nishaat Nagma-O-May Dhoondhte Ho Ab
Aaye Ho Waqt-E-Subh,Rahe Raat Bhar Kahaan


No comments:

Post a Comment

Your feedback is warmly welcomed:
Contac us at: info@pakistanprobe.com

Popular Posts